आहा रारा पोखरा गोल्डकपको २४ औँ संस्करणको उपाधिका लागि आज ९शनिबार० नेपाल पुलिस क्लब र उज्वेकिस्तानको ब्ल्याक बुल्स एफसी भिड्दैछन्।
पोखरा रगंशालामा हुने खेल दिउँसो दुई बजेपछि सुरु हुनेछ।
आहा राराको ११ औँ संस्करणको फाइनल खेल्न लागेको पुलिस क्लब पाँच वर्षपछि उपाधि होडमा छ। पुलिस क्लब आजको खेलमा उज्वेकिस्तानको टोलीलाई हराउँदै सातौँ पटक उपाधि जित्न चाहन्छ।
पुलिस क्लबले आज उपाधि जिते सर्वाधिक सात पटक उपाधि जित्ने पहिलो टोली बन्नेछ।
आहा राराको इतिहासमा मनाङ र पुलिस क्लबले सर्वाधिक ६ पटक उपाधि जितेका छन्। थ्री स्टारको नाममा ५ वटा उपाधि रहेको छ। संकटा क्लब दुईपटक च्याम्पियन बन्दा आयोजक सहारा क्लब, अफ्रिकन युनाइटेड, एपिएफ र त्रिभुवन आर्मी क्लबले समान एकएक पटक उपाधि उचालेका छन्।
टोलीका कप्तान राम बाजीले पुलिस क्लबको पहिले र अहिलको टोलीमा निकै फरक रहेको बताएका छन्।
आफुहरुसँग सुरुवाती ११ मात्र हैन, बेन्च पनि राम्रो भएकाले उपाधि जित्ने योजनामा नै खेल्ने कप्तान बाजीले बताए।
उता पहिलो पटक नेपालमा खेल्न आएको उज्वेकिस्तानको टोलीमा त्यहाँको उमेर समुहमा प्रतिनिधित्व गरिसकेका खेलाडी छन्।
पहिलो सहभागितामा नै आहा राराको फाइनलमा पुगेको ब्ल्याक बुल्सका प्रशिक्षक अब्दुल अजिज निशानबाएभले आफ्नो टोलीले एकपछि अर्को खेलमा उत्कृष्ट प्रर्दशन गरिरहेको सुनाए।
