मंसीर ६ काठमाण्डौँ । नेपालको सबै भन्दा ठूलो नेपाली काँग्रेस अमेरीकासँगको एमसीसी परियोजना सदनबाट पारित गर्न दबाब दिने मुख्य शक्ति थियो ।
अहिले सत्ताको मुख्य घट्टक उही काँग्रेस छिमेकी चीनसँगको बीआरआई सम्झौता कार्यन्वयन गर्न भने बाधा उत्पन्न गरीरहेको छ ।
अहिले काँग्रेसकै असहमतिका कारण प्रधानमन्त्री ओलीको चीन भ्रमणमा मुख्य एजेण्डा बिआरआई कार्यन्वयन सम्झौता टर्ने खतरा बढेको छ ।
यदी बिआरआई सम्झौता कार्यन्वयन नभए आफ्नो चीन भ्रमणको अर्थ नहुने भन्दै दबाब दिए पनि काँग्रेस सभापति शेर बहादुर देउवा टसमस नभएको स्रोतले बताएको छ ।
प्रधानमन्त्री केपी शर्मा ओली मंसिर १७ गते चीनको औपचारिक भ्रमणका लागि बेइजिङ जाँदैछन्। सोही बेला प्रधानमन्त्री ओली बहुप्रतिक्षित बीआरआई परियोजनाको कार्यान्वयनमा हस्ताक्षर गर्ने तयारीमा छन्।
तर देउवाले कुनै पनि हालतमा बीआरआई परियोजना रिणमा कार्यन्वयन गर्न नहुने अडान राखेपछि प्रधानमन्त्री ओली दबाबमा मात्र परेका छैनन्, ८४ साल सम्मका लागि भनेर काँग्रेस एमालेबीच बनेको गठबन्धन भित्रै सम्बन्ध पेचिलो बन्न थालेको छ ।
छिमेकी भारतले प्रधानमन्त्री ओलीलाई नबोलाएपछि ओली चीन जान लागेका हुन् । त्यो पनि औचित्यहीन भएमा उनीमाथि नैतिक संकट बढ्ने बुद्धिजीवीहरुले अनुमान गरेका छन् ।
बीआरआईमा सहभागी हुने सम्झौता नेपालले सन् २०१७ मै गरेपनि अहिले सम्म कुनै पनि परियोजना अघि बढाउन सकेको छैन ।
