काठमाण्डौँ कार्तिक १४ । आईसीसी लिग डिभिजन २ अन्तर्गतको खेलमा नेपाल स्कटल्याण्ड बिरुद्ध ५ विकेटले विजयी भएको छ ।
अमेरीकामा जारी खेलमा नेपालले स्कटल्याण्ढले दिएको १५५ रनको लक्ष्य २९.५ ओभरमा ५ विकेटको क्षतिमा पूरा गर्यो ।
टस जितेर बलिगं गरेको नेपालले स्कटल्याण्डलाई ४१.४ ओभरमा १५४ रनमा अलआउट गरेपछि यो सामान्य लक्ष्य पाएको थियो ।
नेपालका लागि आरिफ शेखले अर्धशतक पूरा गरे । उनले ४९ बलमा ८ चौका प्रहार गर्दै अविजीत ५१ रन जोडे । गुल्सन झाले नटआउट २५ रन जोडे भने कुसल भूर्तेल २५, आशिफ शेख २१, अनिल शाह १३ , कुसल मल्ल ७ र रोहित पौडेल १ रनमा आउट भए ।
स्कटल्याण्डलाई सस्तैमा समेट्ने क्रममा सन्दीप लामिछानेले तीन विकेट लिए । यसै गरी करण केसी, सोमपाल कामी र गुल्सन झाले समान २ २ विकेट लिए भने आरिफ शेखले एक विकेट लिए ।
स्कटल्याण्डका लागि मार्क वाटले सर्वाधिक ३४ रन जोडे ।
यस अघि पहिलो खेलमा नेपाल अमेरीकासँग ३ विकेटले पराजित भएको थियो । नेपपाल अंक तालिकामा ५ अंकका साथ सातौ स्थानमा छ ।
नेपालले १० खेलमा २ जीत तथा एक खेलमा नतिजा बराबरी गर्नुका साथै सात खेलमा हार व्यहोरेको छ ।
