कार्तिक १३ काठमाण्डौँ । नेपाली राष्ट्रिय महिला फुटबल टोलीका प्रशिक्षक राजेन्द्र तामाङ र कप्तान एञ्जिला तुम्बापोले बुधबार हुने साफ च्याम्पियनसिपको फाईनलमा बंगलादेशलाई हराएर उपाधी जित्ने दाबी गरेका छन् ।
फाइनल भिड्नुअघिको प्रि–म्याच कन्फरेन्समा बोल्दै उनीहरुले बंगलादेशलाई जसरी पनि फाइनलमा हराउने बताएका हुन्।
यसका लागि विभिन्न रणनीति अपनाउने प्रशिक्षक तामाङले बताए।
‘खेलाडीलाई प्रोत्साहन गर्छौँ, सबै पोजिसनमा राम्रो गर्ने कोशिस गर्छौँ’, उनले भने, ‘उपाधिका लागि विभिन्न रणनीति अपनाउँछौँ।’
कप्तान एञ्जिला पनि यसपटक टिम बन्डिङ राम्रो भएकाले उपाधि जित्ने बाहेक केही नसोचेको बताउँछिन्।
‘अहिले जितेनौँ भने फेरि ५–१० वर्ष कुर्नुपर्छ’, उनले भनिन्, ‘हाम्रो टिम बन्डिङ पनि राम्रो छ, भोलि जित्नुपर्छ।’
च्याम्पियनसिपको फाइनल बुधबार साँझ साढे ६ बजे हुनेछ।
नेपाल अघिल्लो साफको फाईनलमा पनि बंगलादेशसँग पराजित भएको थियो ।
