काठमाडौँ कार्तिक ५ । अमेरिका बिरुद्धको तेस्रो ट्वान्टी–२० अन्तर्राष्ट्रिय क्रिकेटमा सोमबार नेपाल सहज रुपमा बिजयी भएको छ ।
यो जीत सँगै नेपालले दुई देशीय सिरिज क्लिीन स्वीप गरेको छ । अमेरीकाले दिएको १५७ रनको चूनौती नेपालले २ विकेटको क्षतिमा १८.४ ओभरमा पूरा गर्यो ।
नेपालका लागि ओपनर आशिफ शेखले अर्धशतक पूरा गरे । उनले ३९ बलमा २ छक्का र पाँच चौकाको मद्धतमा ५० रन जोडेर नेपाललाई सहज बाटोमा अघि बढाएका थिए । त्यस्तै अर्का ओपनर अनील शाह १३ रन बनाएर आउट भए ।
त्यसपछि कुसल मल्ल ४४ र कुसल भूर्तेल अविजीत ४० रनमा उत्कृष्ट ब्याटिङ गर्न सफल भएपछि नेपालको जीत पक्का बनेको थियो ।
टस जितेर पहिले ब्याटिङ गर्ने निर्णय गरेको अमेरिकाले डलासमा पाँच विकेट गुमाएर १ सय ५६ रन जोड्यो ।
अमेरीकाका लागि ओपनर साइतेज मुकामलले सर्वाधिक ६८ रन बनाए । उनले ५१ बलको सामना गरेर पाँच चौका र दुई छक्का प्रहार गरे ।
अर्का ओपनर तथा कप्तान मोनान्क पटेल दुई रन बनाएर सोमपालकै बलमा एलबीडब्लू भएका थिए । यस्तै एन्ड्रेस गुस पनि दुई रन मात्र बनाएर रिजन ढकालको बलमा आउट भए । लगत्तै एरोन जोन्स १३ रन बनाएर ललित राजवंशीको बलमा पेभिलियन फर्के । सयन जहाँगीर नौ रन बनाए सोमपालकै सिकार बने । अमेरिकाका लागि अन्त्यतिर मिलिन्द कुमारले उपयोगी ४३ रन बनाए । उनले ३५ बलको मात्र सामना गरेर चार चौका प्रहार गरे ।
सोमपालले तीन विकेट लिए भने रिजन र ललितले एक÷एक विकेट लिए । तीन खेलको सिरिज नेपालले यसअघि नै सिरिज भने जितिसकेको छ ।
