भदौ १४ काठमाण्डौँ । प्रधानमन्त्री केपी ओलीले अशान्ति र अराजकता मच्चाउन खोज्ने तत्वहरूको अवान्छित गतिविधिहरूप्रति सरकार सजग रहेको र कडाइका साथ नियन्त्रण गरिने बताएका छन् । टुँडिखेलमा प्रधानमन्त्री र कांग्रेस सभापतिविरुद्ध नाराबाजी गर्ने युवाहरू पक्राउ परेको अवस्थामा ओलीले पार्टी बैठकमा यस्तो बताएका हुन् ।
गौरापर्वका अवसरमा टुडिखेलमा आयोजित समारोहलाई संवोधन गर्दा सहभागी युवाहरुले ओली चोर देश छोड्, देउवा चोर जस्ता नारा लगाएपछि कार्यक्रममै पनि ओली आक्रोशित देखिन्थे । तर त्याहाँ केही संयम देखिएका ओलीले पार्टी बैठकमा भने नियन्त्रणको चेतावनी दिएका हुन् ।
काँग्रेस सभापति देउवाले भने बदमासहरु भन्दै कार्यक्रममा मञ्चबाटै युवाहरुलाई थर्काएका थिए ।
उता धनगढीमा पनि सभापति देउवा र आरजु राणा बिरुद्ध फेसबुकमा स्टाटस लेखेको आरोपमा दुई युवा पक्राउ परेका थिए । उनीहरुलाई पछि छाडिएको छ ।
पार्टी केन्द्रीय सचिवालयको बिहीबारको बैठकमा विश्व राजनीतिक परिस्थिति र नेपालको पछिल्लो घटनाक्रमबारे ब्रिफिङ गर्दै ओलीले बंगलादेश र श्रीलंकाजस्ता देशमा भएका घटनाबाट अराजकतावादी उत्साही भएको बताए ।
लोकतन्त्रविरोधी तत्वहरूले मूलधारका नेतामाथि सार्वजनिक रूपमा गालीगलौज गर्ने, आरोप लगाउने र कार्यक्रम नै बिथोल्नेजस्ता अवान्छित गतिविधि गर्न खोजेको भन्दै ओलीले त्यसलाई सरकार र पार्टीले एकैसाथ प्रतिवाद गरेर अगाडि बढ्नुपर्ने धारणा राखे ।
‘
