काठमाडौं साउन २३ । सेन्ट्रल एसियन भलिबल एसोसिएसन (काभा) वुमन्स नेसन्स लिग महिला भलिबल प्रतियोगिताको फाइनलमा नेपालले आज उपाधीका लागि भारत बिरुद्ध खेल्दै छ। मंगलबार त्रिपुरेश्वरस्थित राष्ट्रिय खेलकुद परिषदको कभर्डहलमा भएको सेमिफाइनलमा इरानलाई सोझो सेटमा हराउँदै नेपालले फाइनलमा स्थान बनाएको थियो भने भारतले श्रीलंकालाई पराजित गर्दै उपाधीका लागि स्थान सुरक्षित बनाएको थियो ।
नेपालले यसअघि राउन्ड रोबिन लिगमा भारतलाई पराजित गरिसकेको छ। यसअघि दक्षिण एसियामा दबदबा बनाउँदै आएको भारतलाई पहिलो पटक हराएको हो।
त्रिपुरेश्वरस्थित राष्ट्रिय खेलकुद परिषद्को कभर्डहलमा हुने फाइनल खेल साँझ ५ बजे सुरु हुनेछ।
अरुणा शाहीको कप्तानीमा रहेको नेपाली टोली उत्कृष्ट मनोबलमा रहेको छ । यो युवा टोलीलाई यस पटक उत्कृष्ट रणनीतिमा खेलाईरहेका छन् प्रशिक्षण जगदिश भट्टले । उनी यस पटक जसरी पनि उपाधी जितेर ईतिहास रच्ने योजनामा छन् ।
२०१९ को फाईनलमा नेपाल भारतसँग नै पराजित भएकाले यस पटक बदला सहित उपाधी हात पार्ने अवसर रहेको छ ।
