असार १ काठमाण्डौँ । टी -२० विश्वकपको तेस्रो खेलमा नेपालले दक्षिण अफ्रीका बिरुद्ध पहिलो सफलता हात पारेको छ ।
चौथो ओभरको चौथो बलमा दिपेन्द्र सिंह ऐरीले विकेट लिन सफल भए । दक्षिण अफ्रीकाका ओपनर क्वीन्टन डि ककलाई दिपेन्द्रले पेभिलियनको बाटो फर्काएका थिए । डिककले ११ बलमा १० रन बनाएर आउट भए ।
टस जितेर पहिला फिल्डिङ गरेको नेपालले उत्कृष्ट खेल प्रस्तुत गर्दै जित निकाल्नु पर्ने दबाब छ ।
चौथो ओभर सम्म अफ्रिकाले १ विकेटको क्षतिमा २२ रन बनाएर खेलिरहेको छ ।
वेष्ट ईन्डिजको किग्स टाउनमा हुने खेल नेपालका लागि निर्णायक छ । पहिलो खेलमा नेदरल्याण्डस्सँग ६ विकेटले पराजित भएको नेपाल दोस्रो खेल बर्षाका कारण अबरुद्ध भएपछि श्रीलंकासँग अंक बाँड्न बाध्य भएको थियो ।
सुपर ८ मा पुग्न नेपालले आजको खेल जित्नै पर्ने दबाब छ । आजको खेलमा सन्दीप लामिछाने पनि खेल्दैछन् । उनको उपस्थितिले टिमको मनोबल उच्च बनेको छ । दक्षिण अफ्रीका यस अघि आफ्नो सबै खेल जितेर सुपर ८ मा पुगिसकेको छ ।
नेपालले अन्तिम खेल बंगलादेश बिरुद्ध खेल्नेछ ।
