सरकारले प्रस्तुत गरेको नीति तथा कार्यक्रममाथि आज संसदमा छलफल हुँदैछ । यस अघि जेठ ७ मा संसदमा प्रधानमन्त्रीले विस्वासको मत लिँदा पनि बिपक्षीको अवरोधका बीच संसदको कार्यसूची अघि बढेको थियो ।
काँग्रेसले सहकारी ठगी प्रकरणमा गृहमन्त्री रवि लामिछाने प्रत्यक्ष संलग्न रहेको भन्दै संसदीय छानविन समिति बनाउनु पर्ने माग गर्दै संसदमा अवरोध गरीरहेको छ ।
संसदीय छानविन समिति बनाउन दलहरु तयार भए पनि कार्यविधि र कार्यादेशका बारेमा सहमति नहुँदा काँग्रेसको अवरोध हटेको छैन ।
अझ राप्रपाले पनि गृहमन्त्री रवि लामिछानेमाथि संसदीय छानविन हुनु पर्ने आधिकारीक माग अघि सारेकाले बिपक्षीहरुको आन्दोलन संगठित हुँदै गएको देखिन्छ ।
यस्तो अवस्थामा आज संसद बस्नु अघि नै सहमति नभए अवरोध हुने निश्चित छ । यस्तोमा नीति कार्यक्रम पास गरेर जेठ १५ मा बजेट ल्याउन सरकारले थप कसरत गनु पर्ने देखिएको छ ।
