काठमाडौं, २२ वैशाख । नेपालले वेष्टइण्डिज ए ले पाँचौं तथा अन्तिम टी–२० खेलमा १७३ रनको लक्ष्य दिएको छ । घरेलु मैदान कीर्तिपुरस्थित त्रिवि क्रिकेट मैदानमा टस जितेर पहिला ब्याटिङ रोजेको वेष्टइण्डिज ए ले २० ओभरमा ७ विकेट गुमाउँदै १७२ रन बनायो ।
वेष्टइण्डिज ए का एलिक एथानाजेले २९ बलमा १ चौका र ३ छक्कासहित ४२ रनमा नट आउट रहे । रोस्टन चेसले २३ बलमा ५चौकासहित सर्वाधिक ३३, जोनसन चार्ल्स २४, कदिम एलियन र मार्क दयालले ११–११ रन बनाए । म्याथ्फु फर्ड १२ बलमा ३ छक्कासहित २३, फबिएन एलेन ३ र गुणाकेश मोती १ रनमा आउट भए ।
नेपालका सोमपाल कामीले ४ ओभरमा १६ रन खर्चेर ३ विकेट लिए । स्पिनर सागर ढकालले २ ओभरमा १७ रन खर्चेर ३ विकेट लिए । अभिनाश बोहराले ४ ओभरमा ४९ रन खर्चेर १ विकेट लिए । केहीबेरमा नेपालको तर्फबाट ब्याटिङ सुरुवात हुँदैछ । नेपाली टोलीलाई हौसला दिन मैदानबाहिर हजारौं संख्यामा समथर्कहरु पुगेका छन् ।
वेष्ट इण्डिजले यसअघि नै श्रृंखलालाई ३–१ ले आफनो पक्षमा पारिसकेको छ ।
