काठमाडौँ । राप्रपाले सहकारीको रकम अपचलनमा संलग्न रहेको आरोप लागेकी आफ्नी सांसद गीता बस्नेतमाथि छानबिन गर्न माग गरेको छ ।
साथै राप्रपाले सहकारीको रकम अपचलनको छानबिनमा सहयोग पुऱ्याउन आफ्नै सांसदलाई निर्देशन दिएको छ भने सरकारसँग निष्पक्ष छानबिनको माग गरेको छ । त्यस्तै राप्रपाले सहकारी घोटालामा संलग्न अन्य जोसुकैलाई पनि छानबिनको माग गरेको छ ।
बस्नेतमाथि सहकारी ठगीको आरोपमा परेको उजुरीका आधारमा पक्राउ पूर्जी जारी भएपछि उनी सम्पर्क बिहीन भएको र खोजी कार्य जारी रहेको प्रहरीले जनाएको छ ।
पूर्वी नवलपरासी ९नवलपुर० स्थित छिपछिपे सहकारी संस्थाको रकम हिनामिना गरेको प्रकरणमा त्यहाँको जिल्ला अदालतले पक्राउ पुर्जी जारी गरेपछि प्रहरीले उनको खोजी गरिरहेको हो।
छिपछिपे सहकारीबाट १६ करोड ६९ लाख रकम हिनामिना भएको उजुरी नवलपुर जिल्ला प्रहरी कार्यालयमा परेको छ।
सो रकम सांसद बस्नेतसमेतको लगानीमा बर्दियाको गुलरियामा सञ्चालित कृष्णसार रिसोर्टमा लगानी गरेको पाइएपछि उक्त प्रकरणमा सांसद बस्नेत पनि तानिएकी हुन्।
