गोरखा । नेपाल समाजवादी पार्टीका अध्यक्ष बाबुराम भट्टराइले प्रधानमन्त्री प्रचण्डले गोरखा २ बाट राजीनामा दिनु पर्ने बताएका छन् ।
उनी काँग्रेसको मतबाट निवाचित भएको र अहिले धोका दिएको भन्दै राजीनामा दिएर सो क्षेत्रमा पुनः निर्वाचन हुनु पर्ने भट्टराइको माग छ ।
गृह जिल्ला गोरखाका पत्रकारहरूसँगको भेटमा भट्टराईले एउटा पार्टीको मतले जितेर अर्को पार्टीसँग मिलेर प्रधानमन्त्री बन्नु अनैतिक हुने हुँदा पुनः चुनाव लडेर जितेर जान चुनौती दिए।
एउटा पार्टीको भोट लिएर जितेपछि त्यो अवधिसम्म धोका दिनु नहुने उनको भनाइ छ। ‘कांग्रेससँग गठबन्धन गरिसकेपछि पाँच वर्षसम्म त कमसेकम धर्म हो नि त, चट्ट छोडेर एमालेसँग जानुभयो। जान नहुने हो, जानु भयो। त्यहाँ बसिरहनु पर्थ्यो। त्यहाँ पनि बस्नुभएन। फेरि कांग्रेससँग जानुभयो। फेरि एमालेतिर जानु भयो,ु उनले भने, ‘उहाँले तमासा गरिरहनुहुन्छ। फेरि उहाँलाई नै कुर्चीमा राखेर पुजेर यो देश बन्छ भनेर बस्नु मुर्खता हो। उहाँले लज्जा प्रदर्शन गरिसकेपछि म पनि पछि लागिरहन सकिनँ।’
चुनाव जितेर गएदेखि फर्केर नआएकाले गोरखा २ का मतदाता प्रधानमन्त्री प्रचण्डसँग रुष्ट भइसकेको डाक्टर भट्टराईको दाबी छ।
आफूले सदासयता राखेर सधैं प्रचण्डलाई सहयोग गर्ने गरे पनि प्रचण्डले आफूलाई सधैं प्रयोग गरेर फाल्ने गरेको भट्टराईको गुनासो छ। ‘
‘‘
जसरी हुन्छ कुर्सीमा बस्ने प्रवृत्तिलाई नेपालका विद्वतवर्गले पनि पुज्ने गर्नु दुर्भाग्यपूर्ण भएको उनको भनाइ छ।
