२० चैत, सुर्खेत । नेपाल राष्ट्रिय मार्शल आर्ट गेम्स महासंघ कर्णालीको अध्यक्षमा देवेन्द्र रावल चयन भएका छन् । यहीँ चैत २० गते सुर्खेतमा गरिएको भेलाले रावलको अध्यक्षतामा १५ सदस्यीय नयाँ तदर्थ कार्यसमिति चयन गरेको हो ।
उपाध्यक्षमा रमेशकुमार डाँगी, कविन्द्र मल्ल तथा हिमाल जि.सी. महासचिवमा तेजेन्द्रकुमार बस्नेत, सचिवमा लोकेन्द्र रोकाय र कोषाध्यक्षमा गोमा हाफ्रे चयन भएका छन् ।
सदस्यहरुमा मा बिजय बहादुर बि.क., जयलाल सारु, रोशन रोकाय, लोकेन्द्र चन्द, चिरन्जीवी लामिछाने, देवराज चन्द, बखत खत्री र राजिव बिक्रम बुढा रहेका छन् ।
नेपाल राष्ट्रिय मार्शल आर्ट गेम्स महासंघका उपाध्यक्ष एवम् कर्णाली प्रतिनिधि लालबहादुर जिसीको अध्यक्षता तथा कर्णाली प्रदेश खेलकुद परिषद् बोर्ड सदस्य टक्कबहादुर शाहीको प्रमुख आथित्यतामा सम्पन्न भेलाले तदर्थ कार्य समिति गठन गरिएको कर्णाली प्रदेश खेलकुद विकाश परिषदका लेखा अधिकृत महाकृष्ण पाण्डेले जानकारी दिए ।
