काठमाडौं, फागुन ३० गते । नागरिक उन्मुक्ति पार्टीले प्रधानमन्त्री पुष्पकमल दाहाल ‘प्रचण्ड’लाई विश्वासको मत दिने भएको छ । बुधबारको प्रतिनिधि सभामा बोल्दै सो पार्टीकी अध्यक्ष समेत रहेकी रञ्जिता श्रेष्ठले विस्वासको मत दिने जानकारी दिईन् ।
जब कि उनका पति रेशम चौधरी प्रचण्डलाई विस्वासको मत नदिने पक्षमा छन् । उनले विस्वासको मत दिए कार्बाही गर्ने चेतावनी दिएका छन् ।
प्रधानमन्त्रीलाई नागरिक उन्मुक्ति पार्टीको समर्थन रहेको पार्टीकी अध्यक्ष रञ्जिता श्रेष्ठले बताईन्।
उनले भनिन्, ‘‘प्रधानमन्त्री पुष्पकमल दाहाल ‘प्रचण्ड’लाई नागरिक उन्मुक्ति पार्टीको समर्थन रहेको छ । आज देशले विभिन्न खाले प्रश्नको सामना गरिरहेको छ । आन्दोलनको जगमा उभिएर ती प्रश्नहरूको जवाफ सरकारले दिनुपर्ने बेला आएको छ । राजनीतिक दलहरूले समेत आफ्नो धरातल स्पष्ट गरी आफ्नो मौलिक र प्रगतिशील चेतनालाई सम्बोधन गर्न सक्नुपर्छ ।’’
