काठमाडौँ । नेपाली टोली हङकङमा जारी त्रिकोणात्मक टी–२० अन्तर्राष्ट्रिय क्रिकेट शृङ्खलाको फाईनलमा नेपालले फेरी खराब ब्याटिङ गर्दै निराशाजनक हार व्यहोरेको छ । फाईनलमा पिएनजीसँग नेपाल ८६ रनले हार व्यहोर्न पुग्यो ।
पपुवा न्यु गिनी पीएनजीले नेपाललाई जितका लागि एक सय ७२ रनको लक्ष्य दिएको थियो । टस हारेर पहिले ब्याटिङको निम्तो पाएको पीएनजीले निर्धारित २० ओभरमा ८ विकेट गुमाएर एक सय ७१ रन बनाएको थियो ।
जवाफी ब्याटिङमा उत्रेको नेपाल १६.३ ओभरमा ८५ रनमा अलआउट हुन पुग्यो ।
नेपालका लागि सन्दीप जोराले १७ रन बनाउनु बाहेक कुनै पनि ब्याट्सम्यानले उल्लेख्य रन बनाउन सकेनन् । जब कि पिएनजीका टोनी उराले ६१ रनको योगदान दिएर टिमलाई अघि बढाएका थिए ।
हिजो मात्रै पिएनजीमाथि शानदार जीत निकालेको नेपालले आज पहिला फिल्डिङ गर्ने आफै निर्णय लिदा पनि उत्कृष्ट प्रदर्शन गर्न सकेन ।
