२० फागुन, काठमाडौं । हङकङमा आगामी साता हुने टी–२० आई त्रिकोणात्मक सिरिजका लागि रोहित पौडेलको कप्तानीमा नेपाली टोलीको घोषणा गरिएको छ ।
नेपाली टोलीमा विनोद भण्डारी, सन्दीप जोरा, राशिद खान सहित युवा खेलाडी आकाश चन्द, लोकेश बम, सागर ढकाल समावेश भएका छन् । राष्ट्रिय टोलीका नियमित सदस्य सोमपाल कामी र कुशल मल्ल, दीपेन्द्रसिंह ऐरी, आशिफ शेख, ललितराज राजवंशी टिममा अटेका छैनन् ।
नेपाल, हङकङ र पपुवा न्युगिनीबीच त्रिकोणात्मक टी–२० आई सिरिज हुनेछ । त्रिकोणात्मक सिरिजमा फागुन २७ मा नेपाल र हङकङबीच पहिलो खेल हुनेछ । फागुन २९ मा नेपालले पवुवा न्युगिनीसँग खेल्नेछ । दोस्रो खेलमा सोही दिन हङकङ र पपुवा न्युगिनीबीच दोस्रो खेल हुनेछ ।
फागुन ३० मा त्रिकोणात्मक सिरिजको फाइनलमा पुग्ने दुई टोलीबीच प्रतिस्पर्धा हुनेछ ।
नेपाली टोलीका सदस्यहरु
रोहित पौडेल, कुशल भुर्तेल, विनोद भण्डारी ९विकेट किपर०, गुलशन झा, सन्दीप जोरा, आरिफ शेख, विवेक यादव, राशिद खान, करण केसी, सागर ढकाल, प्रतिश जिसी, लोकेश बम, आकाश चन्द , अविनाश बोहोरा ।
