काठमाडौँ । त्रिकोणात्मक टी–२० अन्तर्राष्ट्रिय क्रिकेट शृंखलाको आफ्नो पहिलो खेलमा नामिबियालाई हराउन नेपालले २०७ रनको बिशाल लक्ष्य पाएको छ ।
कीर्तिपुरस्थित अन्तर्राष्ट्रिय क्रिकेट मैदानमा टस जितेर पहिले ब्याटिङ गरेको नामिबियाले निर्धारित २० ओभरमा चार विकेट गुमाएर दुई सय ६ रन बनायो ।
नेपाली बलरहरुको कमजोर प्रदर्शनको फाईदा उठाउदै नामिवियाका जोन निकोल लोफ्टीले ३६ बलमा १०१ रनको शतकीय पारी खेले । उनले ३४ बलमै एक सय रन पूरा गर्दै कुसल भूर्तेलले राखेको विश्व कीर्तिमानको बराबरी गरे ।
त्यसपछि मलन कुरेगरले अविजीत ५९ रन बनाउदा नेपालले पुरै २० ओभरमा जम्मा ४ विकेट मात्र लिन सक्यो । २ विकेट कप्तान रोहित पौडेलले लिए भने एक विकेट करण केसी र अर्को विकेट अविनाश बोहराले लिए ।
पहिलो आईसीसी लिग २ को सिरिजमा पनि दुबै खेलमा हारेको नेपालले आज उत्कृष्ट ब्याटिङ नगरे पराजित हुनु पर्नेछ ।
