काठमाडौँ । आईसीसी विश्वकप लिग–२ त्रिकोणात्मक सिरिजअन्तर्गत नेपालले आज नामिबियासँग प्रतिस्पर्धा गर्ने क्रममा नेपालको ब्याटिङ अर्डर धरापमा परेको छ । नेपालले टस हारेर पहिला ब्याटिङको निम्तो पाए पछि शुरु देखि नै लगातार विकेट झरेपछि संकटमा परेको हो ।
नेपालले पहिलो बलमै ओपनर कुशल भूर्तेललाई गुमायो । दोस्रो्र विकेटका रुपमा ओभरमा १२ रन बनाउदा अनिल शाहलाई गुमाएको बेला चौथो ओभरमा अर्का ओभनर आशिफ शेख ४ रनमा आउट भए। त्यसपछि १० औँ ओभरमा कप्तान रोहित पौडेल पनि १ रनमै आउट हुँदा नेपाल कमजोर स्थितिमा पुगेको छ । पौडेलले १३ बल खेल्दा जम्मा १ रन बनाएर आउट भए ।
नामिबियाका रुबेन ट्रम्फेलम्यान र ज्याक ब्रसेलले दुई दुई विकेट लिएका छन् ।
नेपालले नेदरल्यान्ड्स र नामिबियासँग घरेलु मैदानमा त्रिदेशीय शृङ्खलाबाट आईसीसी विश्वकप लिग–२ को सुरुवात गर्न लागेको हो ।
नेपालले यो त्रिदेशीय शृङ्खलामा कुल चार खेल खेल्नेछ । पहिलो खेलमा बिहीबार नामिबियासँग खेल्नेछ भने दोस्रो खेल आगामी फेब्रुअरी १७ मा खेल्ने तालिका छ ।
नामिवियासँगको पछिल्लो पाँच खेलमा नेपालले दुईमा जीत हात पार्दा दुईमा हार व्यहोरेको थियो भने एक खेल नतिजा बिहिन भएको थियो ।
आजको खेलमा बिजयी शुरुवात गर्ने नेपालको रणनीति छ । किनकि १२ देशबीच हुने खेलमा शीर्ष चार टोलीले सन् २०२७ मा सोझै विश्वकप खेल्न पाउने भएकाले पनि नेपाल उत्कृष्ट नतिजाको पक्षमा छ ।
