काठमाडौँ, २५ माघ । क्यानडाविरुद्धको तीन एकदिवसीय सिरिजअन्तर्गत पहिलो खेलमा नेपाललाई दोस्रो झड्का लागेको छ ।
टस जीतेर ब्याटिङ थालेको नेपालले उत्कृष्ट शुरुवात गर्नुका बाबजुद नेपालले शुरुवाती दुई विकेट गुमाएको छ । पहिलो विकेटका रुपमा १० औ ओभरमा ओपनर आशिफ शेख ८ रनमा आउट भएका थिए । त्यसपछि क्रिजमा आएका कप्तान रोहित पौडेल पनि १७ बलमा ८ रन मात्रै बनाउदा पेभिलियन फर्किएका छन् । ओपनर कुसल भूर्तेल भने विष्फोटक ब्याटिङ गर्दै अर्ध शतक बनाएर खेलिरहेका छन् ।
नेपालले यो खबर तयार पार्दा सम्म १६ ओभरमा २ विकेटको क्षतिमा ८० रन बनाएर खेलिरहेको छ ।
सन् २०१८ मा पहिलो पटक एकदिवसीय मान्यता पाएपछि नेपालले क्याडनासँग पहिलो पटक एकदिवसीय औपचारिक खेल खेल्न लागेको हो । नेपालको प्लेइङ एघारमा कप्तान रोहित पौडेलसहित कुशल भुर्तेल, सूर्य तामाङ, आसिफ शेख, कुशल मल्ल, भीम सार्की, आरिफ शेख, पवन सर्राफ, रिजन ढकाल, ललित राजवंशी र सोमपाल कामी छन् ।
