मोरङको विराटनगरमा आगलागीमा परेर दुई जनाको मृत्यु भएको छ। गंभीर घाईते चार जनालाई सेनाको स्कार्ई ट्रक मार्फत काठमाण्डौँ ल्याईएको छ ।
विराटनगर महानगरपालिका- ७ सातघुम्तीमा रहेको कवाडी गोदाममा बुधबार दिउँसो आगो लागेको थियो । गेटबाट आगो लाग्दा भित्र काम गरीरहेका मजदुरहरु भाग्न नपाउदा उनीहरुको मृत्यु भएको र अन्य घाईते भएका हुन् ।
आगलागीमा परेर गोदामका सञ्चालक स्थानीय ४० वर्षीय दिपक मण्डल र पहिचान नखुलेकी एक महिलाको मृत्यु भएको जिल्ला प्रहरी कार्यालय मोरङले जनाएको छ।
उनीहरु दुबैको शव न्युरो अस्पताल विराटनगरमा राखिएको छ। आगलागीमा परेर महिलाको घटनास्थलमै र मण्डलको उपचारको क्रममा क्रममा न्यूरो अस्पताल विराटनगरमा मृत्यु भएको थियो ।
आगलागीमा परेर विराटनगर–६ की ६० वर्षीया रीता सरदार, विराटनगर–६ कै ६५ वर्षीया सुशीला पासवान, मोरङको कटहरी गाउँपालिका–६ की ३० वर्षीया पिंकी कामत र विराटनगर–६ का ५८ वर्षीय किशोर कामत घाइते भएका छन्। घाइतेमध्ये रीता र सुशीलाको अवस्था गम्भीर रहेको डीएसपी दाहालले जानकारी दिए।