काठमाडौँ, मङ्सिर १४ गते । साविक उपविजेता धनगढी एफसीले नेपाल सुपर लिग (एनएसएल) मा लगातार दोस्रो जित निकालेको छ । दशरथ रङ्गशालामा बिहीबार भएको खेलमा धनगढीले बुटवल लुम्बिनी एफसीलाई १–० गोलले हरायो ।
प्रतिस्पर्धात्मक खेलमा धनगढीलाई जिताउन विदेशी खेलाडी ओलावले अफिजले गोल गरे । बराबरीतर्फ उन्मुख खेलमा अफिजले दोस्रो हाफको इन्जुरी समयमा गोल गर्दै टोलीलाई महत्वपूर्ण तीन अङ्क दिलाए ।
लिगका दोस्रो जितसँगै धनगढी ६ अङ्क जोड्दै तालिकाको शीर्षस्थानमा उक्लिएको छ । यसअघि पहिलो खेलमा धनगढीले वीरगञ्ज युनाईटेड एफसीलाई २–१ गोलले हराएको थियो ।लगातार दोस्रो हार खेपेको बुटबल अङ्कबिहिन छ ।
पुस १४ गतेसम्म चल्ने एनएसएलमा नौ वटा फ्रेन्चाइज टोलीको सहभागिता रहेको छ । जसमा धनगढी एफसी, ललितपुर सिटी एफसी, पोखरा थण्डर्स, एफसी चितवन, विराटनगर सिटी एफसी, बुटवल लुम्बिनी एफसी, झापा एफसी, स्पोर्टिङ इलाम डी मेची र वीरगञ्ज युनाइटेड रहेका छन् ।
