काठमाडौँ, १९ कात्तिक । आइसिसी टी–२० विश्वकप एसिया क्षेत्र छनोटको फाइनलमा ओमन बिरुद्ध नेपाल दबाबमा परेको छ । र्कीतिपुरस्थित त्रिभुवन अन्तर्राष्ट्रिय क्रिकेट मैदानमा टस जितेर ब्याटिङ गरिरहेको नेपालको पहिलो विकेटका रुपमा आशिफ शेखलाई गुमायो । शेख ६ बलमा एक छक्का प्रहार गरी ६ रन जोडेपछि आउट भएका हुन् ।
त्यसपछि ३१ रन बनाएर कुसल भूर्तेल पनि आउट भएपछि नेपाल दबाबमा आएको हो । उनले २२ बल खेल्दै २ छक्का र तीन चौकाको मद्धतमा ३१ रन जोडेका हुन् ।
यस अघि १० रन बनाएर सन्दीप जोरा आउट भएका छन् । जिसन मक्सुदको बलमा जोरा बोल्ड आउट भए ।
नेपालले यो खबर तयार पार्दा सम्म ६ ओभरमा ४७ रन जोडेर खेलिरहेको छ ।
नेपाल र ओमान दुवै सन् २०२४ मा वेस्ट इन्डिज र अमेरिकामा हुने विश्वकप प्रतियोगितामा छनोट भइसकेका छन् । आजको खेलमा नेपालले एक खेलाडी परिवर्तन गरेको छ । नेपालले दीपेन्द्र सिंह ऐरीको स्थानमा सन्दीप जोरालाई स्थान दिएको छ ।
