जाजरकोटको रामीडाँडा केन्द्रविन्दु भएर शुक्रबार राति ११ः ४७ मा पहिलो शक्तिशाली भूकम्प त्यसपछि लगत्तै १२ः०८ बजे, १२ः२९,१२ः ३५ गरी ४ पटकको क्रमशः ६.४,४.८,४.२, ४.३ म्याग्निच्युडको भुकम्पका कारण रूकुम पश्चिम र जाजरकोटमा गरी अहिले सम्म १५० जना भन्दा बढीको मृत्यु भईसकेको छ । सँयौ घाईते छन् ।
उनीहरुको उद्धार, राहत र उपचारका लागि प्रधानमन्त्री प्रचण्ड बिहानै श्वास्थ्यकर्मीको टोली लिएर जाजरकोट पुगेर घटनास्थलहरुको निरीक्षण एवं घाईतेहरुको अवस्थाबारे जानकारी लिईरहेका छन् ।
घाइतेको तत्काल खोज तथा उद्धारका लागि सुरक्षाका तीनवटै निकाय, स्थानीय पालिकाका प्रतिनिधि, स्थानीय युवाहरू खटिरहेका छन्।
सुर्खेत लगायत छिमेकी जिल्लाहरूवाट खोज उद्वारका लागि तिनवटै निकायका थप सुरक्षाकर्मीहरू पनि गएका छन् ।
भूकम्पले केही सडकहरू बन्द भएका छन्। बिहानै देखि घाईतेहरूको खोज तथा उद्वार र उपचारका लागि मेडिकल टिम सहित सुर्खेतबाट कम्तीमा ३ सैनिक हेलिकप्टर परिचालित छन् ।
नेपाल वायुसेवा निगमले पनि रुकुममा उडान गरिरहेको छ ।
