कार्तिक १७ काठमाण्डौँ । आईसीसी टी–२० विश्वकप छनौटको सेमिफाईनलमा नेपालले यूएई बिरुद्ध दोस्रो सफलता हात पारेको छ । मुलपानी क्रिकेट मैदानमा आक्रामक रन बनाईरहेको यूएईका ओपनर मोहम्मद वासिमलाई क्याच आउट गराएका छन् । वासिमलाई २६ रन बनाँउदा सोमपालले करण केसीको हातबाट क्याच आउट गराएका हुन् । उनले २ छक्का र २ चौका प्रहार गरेका थिए ।
त्यस अघि खालिद शाह सोमपालकै बलमा रनआउट भएका थिए । उनी ३ रनमा आउट भएका हुन् ।
हिजो ओमनसँग ५ रनको झिनो अन्तरले पराजित भएको नेपालले नयाँ रणनीति अनुसार यूएई बिरुद्ध उत्रदैछ । आज यूएईलाई हराउन सके नेपाल दोस्रो पटक टी–२० विश्वकपमा छनौट हुनेछ । यस अघि सन् २०१४ मा नेपालले टी–२० विश्वकप खेलेको थियो ।
आज चोटका कारण यस अघिका खेल नखेलेका दिपेन्द्र सिंह ऐरी खेल्ने भएका छन् । यसले. उच्च फर्ममा रहेका अलराउण्डरको उपस्थितिले टिम बलियो बनेको छ । सन्दीप जोराको ठाँउमा सिंह आएका छन् । हिजो विष्फोटक ब्याटिङ गरेका विवेक यादवले आज पनि स्थान पाएका छन् ।
