आफ्नै साथीको हत्या गरेको आरोपमा दुई जना पक्राउ

आफ्नै साथीको हत्या गरेको आरोपमा दुई जना पक्राउ

  • आइतवार, कार्तिक १२, २०८०
  • मिर्मिरे अनलाइन

  • 5.7K
    SHARES

जनकपुरधाम । मोबाइलका लागि आफ्नै साथीको हत्या गरेको आरोपमा जनकपुरधामका दुई युवक पक्राउ परेका छन् ।

धनुषाको जनकपुरधाम उपमहानगरपालिका– २४ सोनापारा बस्ने २० वर्षीय हरिचरण मण्डल र अन्दाजी २१ वर्षीय पवन सहनीलाई आफ्नै साथी स्थानीय रुपेश महराको हत्या आरोपमा धनुषा प्रहरीले पक्राउ गरेको हो ।

पक्राउ परेका उनीहरुलाई जिल्ला प्रहरी कार्यालय धनुषाले आइतवार बिहान सार्वजनिक गरेको छ । रुपेशको मोबाइल हरिचरणलाई मन परेपछि नदिंँदा हरिचरणले रुपेशको हत्या गरेको अनुसन्धानमा खुलेको जिप्रका धनुषाका एसपी विश्वराज खड्काले बताउनुभयो ।

लागू औषध सेवनले मातिएका तीनै जना साथीबीच मोबाइलको विषयमा विवाद हुँदा हरिचरणले रुपेशलाई बाँसको भाटा प्रहार गरी हत्या गरेको र शव धान खेतमा फाल्न पवनले सहयोग गरेको एसपी खड्काले बताउनुभयो ।

जनकपुरधाम– २३ विसविट्टी स्थित धान खेतमा कात्तिक ९ गते शव फेला परेका रुपेशको कात्तिक ८ गते राति हत्या भएको थियो ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
धेरै पढिएको
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ