काठमाडौँ । त्रिदेशीय ट्वान्टी–२० शृङ्खलाको उपाधिका लागि आज नेपाल र युनाइटेड अरब इमिरेट्स (यूएई) बिच प्रतिस्पर्धा भईरहेको छ ।
कीर्तिपुरस्थित अन्तर्राष्ट्रिय क्रिकेट मैदानमा टस हारेर नेपालले ब्याटिङ गरिरहेको छ । यो क्रममा नेपालको खराब प्रदर्शन देखिएको छ । नेपालले १३१ रन जोड्दा ७ विकेट पतन भएको छ । नेपालका कुसल भूर्तेल ५० रन बनाएर आउट भए । उनले तीन छक्का र ९ चौका प्रहार गरे ।
त्यसै गरी दिपेन्द्र सिंह ऐरीले २० रन बनाएर आउट भए । उनले एक छक्का र एक चौका प्रहार गरे ।
यसै गरी कप्तान रोहित पौडेल १७ बलमा १८ रन बनाएर आउट हुँदा सन्दीप जोरा १०, आशिफ शेख ७, कुसल मल्ल १ र गुल्सन झा ५ रनमा आउट भए ।
अहिले सोमपाल र करण केसीले ब्याटिङ सम्हालिरहेका छन् ।
नेपालले यस सिरिजमा लगातार चार वटा खेल जितिसकेको छ। युएईमाथि दुई र हङकङमाथि दुई जित हात पारेको हो।
युएई र हङकङले एकअर्कासँग एक–एक जित हात पारेको छ। रन रेटको आधारमा युएई फाइनलमा प्रवेश गरेको हो।
