कार्तिक २ काठमाण्डौँ । काठमाण्डौँमा जारी त्रिकोणात्मक टि ट्वेन्टी क्रिकेटको दोस्रो खेलमा नेपालले हङकङलाई सस्तैमा अलआउट गरेको छ । करण केसी सहित बलरहरु चम्किदा हङकङ १९.३ ओभरमा अलआउट भयो ।
नेपालका लागि करण केसी एक्लैले चार विकेट लिए । उनले पहिलो बलमै निजाकात खानलाई बोल्ड आउट गरेका थिए । उनले ४ ओभरमा १५ रन मात्र खर्चेर ४ विकेट लिएपछि नेपाल हावी भएको थियो ।
त्यसै गरी सोमपाल कामी र अविनाश बोहराले दुई दुई तथा कुसल मल्ल र मौसम ढकालले एक एक विकेट लिए ।
हङकङका लागि यासिम मुर्ताजाले ३६ तथा जिसन अलीले १७ रन बनाउनु बाहेक अन्य खेलाडीले दोहोरो अंकको रन जोड्न सकेनन् ।
नेपालले ९५ रनको सामान्य लक्ष्य बिरुद्ध केही बेरमा जवाफी ब्याटिङ थाल्नेछ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
