काठमाण्डौँ असोज २१ । ईजरायलमा १० नेपाली बिद्यार्थी मारिएका छन् । हमास लडाकु समुहले अचानक ईजरायलमा गरेको भीषण आक्रमणमा परी ती विद्यार्थीको मृत्यु भएको हो ।
ईजरायलको किवुज अलुमिनमा रहेका १७ नेपाली बिद्यार्थी मध्य १० जनाको मृत्यु भएको नेपाली राजदुतावासका अधिकारीहरुले जनाएका छन् । ती विद्यार्थीहरुको हिजोबाट सम्पर्क टुटेको थियो ।
अझै थप एक जना बिद्यार्थी बेपत्ता छन् भने चार जनाको उपचार भईरहेको छ ।
यो विश्वविद्यालयले सेदोत नेगेभ कृषि तालिम केन्द्रमा ४९ जना नेपाली विद्यार्थीहरु पठाएका थिए । जसमध्ये ११ जना छात्रा छन् । उनीहरू यो क्षेत्र द्वन्द्वग्रस्त हमास नियन्त्रित गाजा क्षेत्रबाट नजिकै पर्छ । ४९ जना विद्यार्थीहरुलाई ६ वटा समूहमा बिभाजन गरी अलग–अलग कृषि फार्ममा पठाएक थिए । ३२ जना कृषि विद्यार्थीहरु भने बिभिन्न कृषि फार्ममा रहेको वंकरमा सुरक्षित छन् ।
अझै पनि हमास र ईजरायली सेनाबीच युद्ध जारी रहेकाले नेपालीको सुरक्षा थप जोखिममा परेको छ । ईजरायलमा ४५ सय बढी बिद्यार्थी र कामदारका रुपमा नेपाली रहेका छन् ।
