असोज १६ काठमाण्डौँ । चीनको हाङझाओमा चलिरहेको १९ औँ एशियाली खेलकुद समारोहमा नेपालले क्रिकेटको क्वार्टरफाईनलमा भारतसँग खेलिरहेको छ । टस हारेर फिल्डिङ गरीरहेको नेपालले १० औँ ओभरमा पहिलो विकेट लिन सफल भएको छ । तीव्र गतिमा रन बनाईरहेको भारतको पहिलो विकेट दिपेन्द्रले १० औँ ओभरमा लिए । उनले गैकवार्डलाई २५ रन जोडेपछि क्याच आउट गराउन सफल भए ।
भारत अहिले १० ओभरमा एक विकेटको क्षतिमा १०४ रन बनाएर खेलिरहेको छ ।
करीब एक महिना अघि एशिया कप क्रिकेटमा नेपालले भारत बिरुद्ध श्रीलंकामा खेलेको थियो ।
जुन खेलमा नेपालले २३० रन जोडेको थियो । सो खेलमा बर्षाले अवरोध गरेपछि डिएसएल मेथडका आधारमा भारत बिजयी भएको थियो ।
यस अघि मंगोलिया र माल्दिभ्सलाई हराएको नेपालले कडा आत्मविस्वासका साथ खेल्दैछ । यदी भारतलाई भोली पराजित गर्न सके नेपालले क्रिकेटका पदक ल्याउने निश्चित हुनेछ ।
