काठमाडौं । फुटपाथ व्यवसायीहरू आन्दोलित भएका छन्। काठमाडौं महानगरपालिकाले फुटपाथमा व्यापार गर्न निषेध गरेपछि उनीहरू आन्दोलित भएका हुन्। काठमाडौंको प्रदर्शनीमार्गस्थित राष्ट्रियसभा गृह अगाडि सडकमा भेला भएर धर्नामा बसेका छन्।
फुटपाथ व्यापारीको विकल्पको माग गर्दै काठमाडौं महानगरपालिकाविरुद्ध सडकमा उभिइरहेका अभियन्ता ईस्को समर्थन गर्दै उनीहरूले धर्ना सुरू गरेका हुन् ।
व्यापारका लागि विकल्प दिनुपर्ने उनीहरूको माग छ। आफ्ना मागहरू पूरा नभएसम्म आन्दोलन जारी राख्ने उनीहरूको अडान छ। विकल्प नहुँदासम्म फुटपाथमा व्यवसायी गरेर खान दिनुपर्ने भन्दै उनीहरूले महानगरका मेयर बालेन शाहविरुद्ध चर्को नाराबाजी गरिरहेका छन्।
ुबालेन (सुनिता तिमीहरूलाई मत र साथ दिनु के गल्ती नै थियो ? सडक–साइकल(गाडा परम्परागत मजदरउद्यमीलाई विस्थापित गर्न बन्द गर। विकल्प देऊ,गरीब होइन गरिबी हटाऊलगायतका नारा लेखेका प्लेकार्ड बोकेर आन्दोलनमा उत्रिएका छन्।
आन्दोलनकारीहरूले आफ्ना समस्याबारे काठमाडौं महानगरका मेयर शाहलाई जानकारी गराउँदा पनि वेवास्ता गरेको आरोप लगाएका छन्।