सिआईबीलाई सुन तस्करीको अनुसन्धानको जिम्मा दिन प्रधानमन्त्रीको निर्देशन

सिआईबीलाई सुन तस्करीको अनुसन्धानको जिम्मा दिन प्रधानमन्त्रीको निर्देशन

कुन दलको को नेता पर्छ जोसुकै परेपनि कसैलाई नछोड्नु

  • शुक्रबार, साउन १९, २०८०
  • मिर्मिरे अनलाइन

  • 9.2K
    SHARES

साउन १९ काठमाण्डौँ । प्रधानमन्त्री प्रचण्डले एक क्वीन्टल सुन प्रकरणको अनुन्धानका बारेमा सुरक्षा निकाय र महान्यायधीवक्ता एवं मन्त्रीहरुसँग परामर्श गरेर यसको बृहत अनुसन्धान गर्ने जिम्मा सिआईबीलाई दिन निर्देशन दिएका छन् । यस निर्देशनका क्रममा प्रधानमन्त्रीले कुनै पनि पार्टीको जुनसुकै नेता संलग्न देखिए भने पनि कसैलाई नछाड्न निर्देशन दिएका छन् ।

यो मुद्धा अहिले सम्म प्रधानमन्त्री मातहतको राजस्व अनुसन्धान विभागले हेर्दै आएको थियो । अब सिआईबीले संगठित अपराधको मुद्धासमेत जोडेर विस्तृत अनुसन्धान गर्नेछ । अहिले सम्म सुन तस्करी गर्ने मुख्य नाईके र सुनका मालिक पत्ता लाग्न नसकेपछि यो प्रकरणमा प्रधानमन्त्रीले बोल्ड कदम चाल्न लागेका हुन् । यो निर्देशन दिनु अघि प्रधानमन्त्रीले गृहमन्त्री, रक्षामन्त्री, महान्यायधीवक्ता आदिसँग राय लिएका थिए ।

यो प्रकरणमा भन्सारका अधिकृतसहित तीन कर्मचारी, बेल्जियन, भारतीय र चिनियाँ गरी तीन विदेशी नागरिकसहित १८ जना पक्राउ परिसकेका छन् ।

विभागबाट भइरहेको अनुसन्धानले अपराधमा संलग्नको नेक्सन पत्ता लगाए पनि यो संगठित र अन्तरदेशीय अपराध भएकोले जरैसम्म पुग्न प्रहरीको केन्द्रीय अनुसन्धान ब्युरोबाट अनुसन्धान हुनुपर्ने प्रधानमन्त्रीले बताएका छन् ।

सर्वोच्च अदालतका प्रधानन्यायाधीश नियुक्ति सिफारिस गर्न बिहीबार साँझ सिंहदरबारमा संवैधानिक परिषद् बैठक बसेको थियो । त्यसलगत्तै करीब ७ बजेतिर प्रधानमन्त्री दाहालले क्विन्टल सुन प्रकरणमा भइरहेको अनुसन्धान, यसका उपलब्धि र थप अनुसन्धानका विषयबारे समीक्षा गर्न उपप्रधान तथा रक्षामन्त्री पूर्णबहादुर खड्का, उपप्रधान तथा गृहमन्त्री नारायणकाजी श्रेष्ठ, महान्यायाधिवक्ता दिनमणि पोखरेल, प्रहरी महानिरीक्षक बसन्तबहादुर कुँवर, केन्द्रीय अनुसन्धान ब्युरो प्रमुख एआईजी किरण बज्राचार्य र राजस्व अनुसन्धान विभागका महानिर्देशक नवराज ढुंगानासँग संयुक्त छलफल गरेका थिए ।

त्यसपछि महान्यायाधिवक्ता पोखरेलले विभागबाट भइरहेको अनुसन्धान एउटा तहमा पुगेको र त्यसलाई अझ बलियो र संगठित गिरोहसम्म पुग्न संगठित अपराधका दफा लगाएर अघि बढ्नु सुझाव दिएका थिए ।

 

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
धेरै पढिएको
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ