गत संस्करणका विजेता अमेरिका र उपविजेता नेदरल्यान्ड्सले फिफा महिला विश्वकपमा बराबरी खेलेका छन्। आजको खेलमा शुरुवाती अग्रता लिएको नेदरल्याण्डस्ले त्यसलाई रक्षा गर्न नसक्दा जित्ने सुनौलो अवसर गुमाएको छ ।
सन् २०१९ को विश्वकप फाइनलमा अमेरिकाले नेदरल्यान्ड्सलाई २–० गोल अन्तरले हराउँदै उपाधि जितेको थियो। न्युजिल्यान्डको वेलिंग्टन रिजनल स्टेडियममा बिहीबार भएको खेलमा अमेरिका र नेदरल्यान्ड्स्सले १–१ गोलको बराबरी खेल्दै अंक बाँडेका हुन्।
खेलको १७औं मिनेटमा जिल रुर्डले गोल गर्दै डच टोलीलाई सुरुवाती अग्रता दिलाएकी थिइन्। जिलले पेलोभाको पासमा गोल गरेकी थिइन्।
खेलको पहिलो हाफमा १–० ले पछि परेको अमेरिका दोस्रो हाफमा खेलमा फर्किएको थियो।
खेलको ६२औं मिनेटमा लिन्डर्स होरानको गोलमा अमेरिकाले बराबरी गोल फर्काएको थियो।
बराबरीसँगै दुई खेलमा एकमा जित र एक खेलमा हार भोगेको अमेरिका ४ अंकमा समूह ई को शीर्ष स्थानमा छ। समान खेलबाट ४ अंक भएको नेदरल्यान्ड्स दोस्रो स्थानमा छ।
