असार ३०, काठमाडौं । राजधानीमा जारी सातौँ प्रधानमन्त्री कप एनभीए राष्ट्रिय पुरुष तथा महिला भलिबल लिगको फाइनलमा आज पुरुषतर्फ विभागीय टोली नेपाल पुलिस क्लब र हेल्प नेपाल भिड्दै छन् ।
उपाधिका लागि महिलातर्फ दुई विभागिय टोली नेपाल पुलिस क्लब र एपीएफ क्लबबीच प्रतिष्पर्धा हुँदैछ ।
शुक्रबार भएको खेलमा महिलातर्फ न्यु डायमण्ड स्पोर्ट्स एकेडेमी नेपाल पुलिससँग पराजित भएपछि एपीएफ फाइनलमा पुगेको हो । राष्ट्रिय खेलकुद परिषद् ९राखेप० को कभर्डहलमा भएको खेलमा यसअघि नै फाइनलमा पुगिसकेको पुलिसले न्यु डायमण्डलाई सोझो सेटमा हरायो । पुलिस ५ खेलमा १५ अंकका साथ शीर्ष स्थानमा रह्यो । नेपाल एपीएफ क्लब ५ खेलमा ४ मा जित र १ मा हारसहित ११ अंकका साथ दोस्रो स्थानमा रहन सफल भयो ।
यस्तै,पुरुषतर्फ शुक्रबार भएको खेलमा विभागीय टोली त्रिभुवन आर्मी क्लबलाई ३–१ को सेटमा पराजित गर्दै हेल्प नेपाल फाइनलमा पुगेको हो । हेल्प नेपाल ६ खेलमा अपराजित रहँदै १६ अंकका साथ शीर्ष स्थानमा रह्यो । पुलिस ६ खेलमा ५ मा जित र १ मा हारकासाथ १५ अंकसहित दोस्रो स्थानमा रह्यो ।
प्रतियोगितामा पुरुषतर्फ ७ र महिलातर्फ ६ टोलीको सहभागिता रहेको थियो ।
