असार २५, चितवन । सुख्खा पहिरो खस्दा मुग्लिन नारायणगढ सडक खण्डमा सडक अवरुद्ध भएको छ । चितवनको इच्छाकामना गाउँपालिका ६ स्थित कालीखोला नजिकै आज दिउँसो पौने २ बजेतिर सुख्खा पहिरो खस्न थालेको हो ।
सडकको पहिरो हटाउन मुग्लिनबाट प्रहरी टोली अहिले घटनास्थलमा पुगेको बताइएको छ । चितवन जिल्ला प्रहरी कार्यालयका प्रहरी उपरीक्षक एसपी रामेश्वर कार्कीका अनुसार सडक डिभिजन भरतपुरसँग समन्वय गरी सडक खुलाउने प्रयास भइरहेको छ ।
मुग्लिन नारायणगढ सडक खण्डका विभिन्न स्थानमा बारम्बार पहिरो जाँदा सडक अवरुद्ध हुने गरेको छ । पछिल्लो शनिबार दिउँसो पनि पहिरोले सडक अवरुद्ध हुँदा आइतबार बिहान मात्रै सडक खुलाइएको थियो ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline