असार १४ काठमाण्डौँ । कर्मचारीले सक्कल मिसिल दिन नसक्ने तर फोटोकपी दिन सक्ने भनेपछि तँ जान्ने हुन्छेस्, तँ को होस् भन्दै कार्यकक्षमै जिल्ला अदालत ललितपुरकी महिला कर्मचारीमाथि आक्रमण गर्ने एक जना कानुन व्यवशायी पक्राउ परेका छन् ।
बुधबार अपराह्न जिल्ला अदालतकी नायब सुब्बा प्रेमिका तामाङमाथि काठमाडौ–(१४ का ३६ वर्षीय अमिर लामिछानेले कुटपिट गरेका हुन्।
वकिलसमेत रहेका लामिछानेले कर्मचारीलाई कुटपिट उनलाई प्रहरी हिरासतमा राखेर अनुसन्धान शुरु गरिएको छ ।
अमिर दुषित लिखतसम्बन्धी एक मुद्दाका वारेस भएर अदालतमा उपस्थित भएका थिए। उनी तारेख लिन अपराह्न साढे ४ बजेतिर नासु प्रेमिकाको फाँटमा पुगेका थिए। सेवाग्राहीको भीड भएको बेला समेत लामिछाने त्यहीँ बसेर मिसिल पढ्न थालेपछि प्रेमिकाले फोटोकपी लगेर अन्तै बसेर पढ्न भनेपछि रिसाएका लामिछाने श्रेस्तेदारकोमा पुगेर फर्किएपछि त धेरै जान्ने हुन्छेस् भन्दै कुट्न शुरु गरेका थिए ।
लामिछानेको कुटाईबाट प्रेमिकाको दुई वटा दाँत हल्लिएको छ । ‘शुक्रबार जिल्ला प्रशासन कार्यालयमा पेश गरी उनीमाथि म्याद थप गर्ने तयारी रहेको प्रहरीले जनाएको छ।
