असार ५ काठमाण्डौँ । विश्वकप क्रिकेट छनौट चरणको दोस्रो खेलमा नेपालले अमेरीकाले दिएको २०८ रनको मध्यम लक्ष्य पछ्याईरहेको छ । नेपालले यो खबर तयार पार्दा सम्म ३४ औँ ओभर खेल्ने क्रममा ४ विकेट गुमाएर १४१ रन जोडेको छ । पहिले ब्याटिङ गरेको अमेरीकाले ४९ ओभरमा अलआउट हुँदै २०७ रन जोडेको थियो ।
नेपालका लागि ओपनर कुसल मल्लले ३९ रन बनाउदा आशिफ शेख १२ रनमा आउट भए । कुसल जिम्बाबे बिरुद्धको खेलमा शतक नजिक पुगेर आउट भएका थिए । उनले पो पारीमा एक छक्का र चार चौका प्रहार गरेका थिए ।
त्यसपछि कप्तान रोहित पौडेल १६ रनमै आउट भएका थिए । त्यसपछि अर्का व्याट्सम्यान कुसल मल्ल पनि १३ रनमा आउट भएका छन् ।
अमेरीकाका लागि शायान जांगिरले अविजीत सतक पूरा गरेका थिए भने सुसान्त मोदानीले ४२ रन र जगानन्द सिंहले २६ रन बनाउनु बाहेक अन्यले दोहोरो रन जोड्न सकेनन् ।
नेपाली बलरहरुले आज जिम्बाबे बिरुद्ध देखिएको कमजोरी सुधार्दै उत्कृष्ट प्रदर्शन गरे । करण केसी एक्लैले ४ विकेल लिँदा , गुल्सन झाले ३ विकेट, दिपेन्द्र सिंह ऐरी २ र ललित राजवंशीले एक विकेट लिएका थिए ।
