जेठ ३२ एजेन्सी । एसीसी महिला टीट्वान्टी इमर्जिङ टिम्स एसिया कप प्रतियोगितामा आज नेपाल र भारतबीचको खेल वर्षाका कारण रद्द भएको छ । आज नेपालले भारत बिरुद्ध खेल्ने तालिका थियो । तर वर्षा निरन्तर भएपछि टस नभई रद्ध हुँदा नेपाल र भारतले एक एक अंक बाँडेका छन् ।
जारी प्रतियोगितामा नेपाली टोलीको यो दोस्रो खेल थियो । नेपाली टोली आफ्नो पहिलो खेलमा भने पाकिस्तान ’ए’ सँग पराजित भएको थियो ।
पहिलो खेलमा नेपाल पाकिस्तानसँग ९ रनले पराजित भएको थियो ।
समूह ‘ए’ मै रहेको भारत दुई खेलबाट तीन अंक जोड्दै पहिलो स्थानमा आसिन छ । तालिकाको दोस्रो स्थानमा आसिन पाकिस्तानले पनि दुई खेलबाट तीन अंक जोडेको छ । आयोजक राष्ट्र हङ्कङ दुई खेलबाट एक अंक बटुल्दै तालिकाको चौथो स्थानमा छ ।
भारतले आफ्नो पहिलो खेलमा हङकङलाई नौ विकेटले हराएको थियो ।
प्राविधिक कारणले अन्तिम समयमा आएर थाइल्यान्डले प्रतियोगिता नखेल्ने भएपछि यो प्रतियोगितामा नेपालले सहभागिताको अवसर पाएको हो ।
