प्रधानमन्त्री पुष्पकमल दाहाल प्रचण्डले शनिबार साँझ पशुपतिनाथ मन्दिरको दर्शन गरेका छन्। केही मन्त्रीहरूसहित प्रधानमन्त्री प्रचण्ड पशुपतिनाथ पुगेका थिए।
उनलाई पशुपतिनाथमा संस्कृति, पर्यटन तथा नागरिक उड्ययनमन्त्री सुदन किराती र पशुपति क्षेत्र विकास कोषका सदस्य सचिव लगायतले स्वागत तथा बिदाई गरेका थिए।
प्रधानमन्त्री प्रचण्डले पशुपतिनाथ मन्दिरमा जल चढाएका थिए। साथै, उनले महादेव र शिवको पूजा समेत गरेका छन्।
उनी झण्डै १ घन्टाजति पशुपतिमा बसेको बताईएको छ । केही समय अघि भारतमा गएर उज्जैनमा रहेको महाकालेश्वर मन्दिरमा पूजा गरेको तर नेपालकै पशुपतिनाथको मन्दिर नगएको भन्ने समेत टिप्पणी भएका बेला उनी पशुपति पुगेका हुन् । यस अघि दुई पटक प्रधानमन्त्री हुँदा पनि उनी पशुपति गएका थिएनन् ।
प्रधानमन्त्री प्रचण्डसँगै अर्थमन्त्री डा। प्रकाशशरण महत, पररराष्ट्रमन्त्री एनपी साउद, संस्कृति पर्यटन तथा नागरिक उड्ययनमन्त्री सुदन किराती पनि पशुपति पुगेका थिए।