जेठ २३ काठमाण्डौँ । संसदमा यतिबेला दिनहुँ अवरोध, हंगामा मच्चाउने काम भईरहेको छ । संसदमा पटक पटक अवरोध र हंगामा मच्चाउन केपी ओली नेतृत्वको एमाले, रवि लामिछाने नेतृत्वको रास्वपा र राजेन्द्र लिङदेन नेतृत्वको राप्रपा एकसाथ उभिएका छन् ।
सरकारले नीति तथा कार्यक्रम प्रस्तुत गरेपछि पशुपतिमा सुनको जलहरी लगाउने क्रममा ओली सरकारको पालामा पित्तल हालिएको र ११ किलो सुन गायव भएको विषयमा ओली जिम्मेवार हुनु पर्ने भन्ने माओवादी सांसद राजन दाहालको अभिव्यक्तिलाई दिएर एमालेले सदन अवरुद्ध गर्यो ।
त्यसमा रेकर्डबाट अभिव्यक्ति हटाउने सहमति पछि सदन खोलेर नीति कार्यक्रम पारित गर्न दिएको बिपक्षीले फेरी प्रधानमन्त्रीको भारत भ्रमणको विषयलाई लिएर सदन अबरुद्ध गर्दा तीन दल एकै ठाँउ उभिएका छन् ।
तीनै दलका सांसदले प्रधानमन्त्रीलाई बोल्दा बोल्दै अवरोध गर्ने गर्दै हिजोको बैठक सकिएको थियो । तीनै दलले राष्ट्रपतिले पारित गरेको नागरिकता विधेयकको बिरोध गरीरहेका छन् ।
आज पनि उनीहरुले अर्थमन्त्रीले करको दर हेरफेर गरेको भन्दै सदन अबरुद्ध गर्ने चेतावनी दिएका छन् । जसले गर्दा अझै संसदको बैठक शुरु हुन सकेको छैन ।
उनीहरुले सदन अबरुद्ध गरेर बजेटमाथिको छलफल प्रभावित पार्ने कोशिस गरीरहेको सत्ता गठबन्धनका एक सांसदले दावी गरेका छन् । उनीहरुले बजेट निर्माणको क्रममा एक पूर्व नासुलाई प्रवेश गराएर करको दर हेरफेर गराएको आरोप लगाउदै त्यसमा छानविन नहुञ्जेल संसद च्रल्न नदिने भनेकाले सदनको बैठक ११ बजे बस्ने भनिए पनि अझै शुरु भएको छैन ।