जेठ २२ काठमाण्डौँ । नक्कली भुटानी शरणार्थी प्रकरणमा आज पनि थुनछेक बहस जारी रहने छ । काठमाण्डौँ जिल्ला अदालतका न्यायधीश प्रेम प्रसाद न्यौपानेको ईजलाशमा हिजोबाट थुनछेक बहस शुरु भएको थियो । हिजो सरकारी वकिलहरुले बहस थालेका थिए ।
हाईप्रोफाईलहरु समेत यो मुद्धामा पक्राउ परेकाले उनीहरुको पक्षमा पूर्व महान्याधीवक्ता सहित नाम चलेका कानुन व्यवशायीहरुले बहस गर्नेछन् ।
पूर्व उपप्रधानमन्त्री एवं एमाले सचिव टोप बहादुर रायमाझी, काँग्रेस नेता एवं पूर्व गृहमन्त्री वालकृष्ण खाँड, एमाले नेता एवं पूर्व गृहमन्त्री वादलका सल्लाहकार डा. ईन्द्रजीत राई, नेपाल सरकारका सचिव टेक नारायण पाण्डे सहित १८ जना हाल थुनामा रहेका छन् भने १२ जना अझै फरार रहेका छन् ।
यो बहसमा थुप्रै कानुन व्यवशायीले भाग लिएकाले थुनछेक आदेश आउन जेठ ३१ सम्म कुर्नु पर्ने भएको छ ।
सो आदेशमा न्यायधीशले थुनामा राखेर मुद्धाको पुर्पक्ष गर्ने, धरौटीमा रिहा गर्ने वा साधारण तारेखमा छाड्ने भन्ने फैसला आउनेछ ।