जेठ १३ काठमाण्डौँ । पशुपतिमा जलहरी राख्ने क्रममा सुनको ठाँउमा पित्तल राखिएको भन्दै संसदमा उठेको विषयमा एमाले अध्यक्ष केपी ओलीलाई जोडिएको भन्दै संसद अवरोध भएपछि ओलीलाई जोडिएर अभिव्यक्ति दिनु अहिले उचित नभएको प्रधानमन्त्रीले बताएका छन् ।
सदन सुचारु गर्न एमालेले राखेको शर्त अनुसार प्रधानमन्त्रीले बोल्ने क्रममा पशुपतिमा जलहरी राख्ने जिम्मेवारी पशुपति क्षेत्र विकास कोषको भएको र काम पनि उसैले गरेकाले त्यस विषयमा उठेका प्रश्नहरुका बारेमा अख्तियारले छानविन गरीरहेको र सरकारले सहयोग गर्ने भन्दै सो विषयमा पार्टीकै सांसदले बोलेको शब्द संसदको रेकर्डबाट हटाउने प्रचलन रहेको बताएका थिए ।
त्यसपछि सभामुखले सो शब्द रेकर्डबाट हटाउन निर्देशन दिएका थिए ।
एमालेले सो प्रकरणमा पार्टी अध्यक्ष एवम् संसदीय दलका नेता ओलीलाई मुछेको भन्दै शुक्रबार (हिजो) प्रतिनिधि सभा बैठक अवरुद्ध पारेको थियो ।