काठमाडौं । नक्कली भुटानी शरणार्थीमा मुछिएकाहरु माथीको अनुसन्धान प्रतिवेदन आज बुझाउने भएको छ । हिजै बुझाउने भनिए पनि तयारी नपुगेकाले आज बुझाउने तयारी भएको हो ।
नेपाली नागरिकलाई भुटानी शरणार्थी बनाएर अमेरिका पठाइदिन्छु भन्दै करोडौं असुली गर्ने प्रयासमा कम्तिमा ३२ जना संलग्न रहेको निष्कर्षका साथ आज प्रतिवेदन बुझाउन लागिएको हो ।
सो प्रकरणमा पूर्व गृहमन्त्री बालकृष्ण खाँड, पूर्व उपप्रधानमन्त्री मन्त्री टोपबहादुर रायमाझी, नेपाल सरकारका सचिव टेकनारायण पाण्डे लगायतलाई पक्राउ गरी झन्डै दुई महिनादेखि जारी अनुसन्धानको प्रारम्भिक प्रतिवेदन बुझाउन लागेको प्रहरीले जनाएको छ ।
आजैबाट सरकारी वकिलको कार्यलयले खटाएको अध्ययन कार्यदलले मुद्धाको तयारी गर्ने छ । संभवतः भोली जिल्ला अदालत काठमाण्डौँमा मुद्धा दर्ता हुनेछ ।
राज्य बिरुद्धको कसुर, संगठित अपराध, ठगी जस्ता मुद्धाहरु चलाउने तयारी भएको छ ।