निजामती अस्पताललाई सातै प्रदेशमा विस्तार गर्छौ : मन्त्री मोदी

निजामती अस्पताललाई सातै प्रदेशमा विस्तार गर्छौ : मन्त्री मोदी

  • शुक्रबार, बैशाख १५, २०८०
  • मिर्मिरे अनलाइन

  • 2.4K
    SHARES

काठमाडौं । संघीय मामिला तथा सामान्य प्रशासनमन्त्री अमन लाल मोदीले निजामती सेवा अस्पताललाई ७ वटै प्रदेशमा विस्तार गर्ने बताएका छन् ।

चीन सरकारको सहयोगमा निर्माण भएको निजामती सेवा अस्पतालको भवन हस्तान्तरण कार्यक्रमलाई सम्बोधन गर्दै मन्त्री मोदीले यस्तो बताएका हुन् ।

मन्त्री मोदीले निजामती सेवा अस्पतालको सेवा थप विस्तार गर्दै अस्पताललाई ७ वटै प्रदेशमा विस्तार गर्ने तयारी रहेको बताए । उनले अस्पताललाई राष्ट्रसेवक अस्पतालको रुपमा विकास गर्ने समेत बताए । उनले भने, “निजामती अस्पतालमा अब निजामती कर्मचारी मात्रै होइन, सबै तहका जनप्रतिनिधि, राष्ट्रिय खेलाडी, कलाकार, सहिद तथा वेपत्ता परिवारलाई पनि निजामती कर्मचारी सरह उपचारमा छुट दिने तयारी गर्दैछौँ ।”

मन्त्री मोदीले निजामती अस्पतालको नाम समेत राष्ट्रसेवक अस्पताल राख्ने तयारी भइरहेको समेत बताए । उनले अस्पतालको सेवा सुविधा विस्तारमा समेत सरकार लागिरहेको बताए ।

चीन सरकारको सहयोगमा निजामती अस्पतालमा निर्माण सम्पन्न भएको सर्जिकल भवन र पुनर्निर्मित पुरानो भवन नेपालका लागि चिनियाँ राजदूत छेन् सोङ्गले संघीय मामिला तथा सामान्य प्रशासनमन्त्री अमन लाल मोदीलाई भवन हस्तान्तरण गरेका थिए ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
धेरै पढिएको
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ