नेपाली सेनामा जागिरको अवसर, एकै पटक ४५ सय जनाका लागि खुल्यो आवेदन

नेपाली सेनामा जागिरको अवसर, एकै पटक ४५ सय जनाका लागि खुल्यो आवेदन

  • शुक्रबार, बैशाख ८, २०८०
  • मिर्मिरे अनलाइन

  • 4.8K
    SHARES

बैशाख ८ काठमाण्डौ । नेपाली सेनामा जागिर खान चाहने युवाहरुका लागि भर्ना खुलेको छ ।

नेपाली सेनाले सैन्य पदमा एकैपटक ४ हजार ५०० जना नयाँ भर्ना गर्न लागेको हो। खुला तथा समावेशी प्रतियोगिताद्वारा विभिन्न २८ भर्ना केन्द्रमार्फत सैन्य पदमा भर्ना खुलाइएको छ।

नेपाली सेनाले सैन्य पद नयाँ भर्नाका लागि कुल संख्यामधये २२५ कोटा सैनिक तालिम वा आफ्नो कर्तव्य गर्दा गर्दै कुनै शारीरिक चोटपटक लागी सोही कारणबाट शारीरिक रुपमा अशक्त भएका र कर्तव्य पालनाको सिलसिलामा मृत्यु भएका नेपाली सैनिकका सन्ततिका लागि छुट्याएको छ।

 

यसैगरी खुलातर्फ २ हजार ३५१, महिलातर्फ ३९०, आदिवासी जनजातितर्फ ६१६, मधेसीतर्फ ५४०, दलिततर्फ २८७ र पिछडिएको क्षेत्रतर्फ ९० कोटा छुट्याएको छ।

सैन्य पदमा दरखास्त दिन कम्तीमा ८ कक्षा उत्तीर्ण गरेको हुनुपर्नेछ। कक्षा ९ र १० उत्तीर्णले पनि कक्षा ८ उत्तीर्ण गरेको प्रमाणपत्र पेस गर्नुपर्नेछ। न्यूनतम २ जीपीए अनिवार्य हुनुपर्नेछ। कुनै पनि विषयमा डी प्लस भन्दा कम हुन हुने छैन।

दरखास्त पेस गर्ने अन्तिम मितिसम्म १८ वर्ष पूरा भई २२ वर्ष ननाघेको हुनुपर्नेछ। नेपाली सेनाको बहालवाला उम्मेदवारको हकमा २६ वर्ष ननाघेको हुनुपर्नेछ।

दरखास्त पेस गर्ने अन्तिम मिति जेठ ७ गतेसम्म तोकिएको छ। दोब्बर दस्तुर तिरी जेठ १४ गतेसम्म दरखास्त पेस गर्न सकिनेछ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
धेरै पढिएको
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ