रौतहटमा सडककाे विषयमा विवाद हुँदा एक जनाको मृत्युु, चार जना घाइते

रौतहटमा सडककाे विषयमा विवाद हुँदा एक जनाको मृत्युु, चार जना घाइते

  • शनिबार, बैशाख २, २०८०
  • मिर्मिरे अनलाइन

  • 3.6K
    SHARES

वैशाख २,काठमाडौँ । रौतहटको गढीमाइ नगरपालिकामा सडक सम्बन्धी विवादको क्रममा दुई समूहबीच झडप भएको छ । झडपका क्रममा गोली चलाउदा एक जनाको मृत्यु भएको छ भने चार जना घाइते भएका छन् ।
गोली लागेर गढीमाइ नगरपालिका-८ का ५० वर्षीय राजकुमार राय यादवको मृत्यु भएको जिल्ला प्रहरी कार्यालय रौतहटले जनाएको छ । यादवको वीरगन्ज मेडिकल कलेजमा उपचारका क्रममा मृत्यु भएको र अन्य चार जना घाइतेको उपचार भैरहेको रौतहटका प्रमुख जिल्ला अधिकारी धर्मेन्द्र कुमार मिश्रले जानकारी दिए ।
गढीमाई नगरपालिका–८ धोबिनियामा बाटो बनाउने क्रममा जग्गासम्बन्धी विवादमा स्थानीय रामइश्वर राय र राजकुमार यादव पक्षबीच झडप भएको थियो । विवाद बढेपछि राजकुमार पक्षधरले ढुंगामुढा गरेको स्थानीयहरूले बताएका छन् । त्यसपछि राम इश्वर पक्षले गोली चलाएको स्थानीयको आरोप छ । गोली चलाउनेको पहिचान खुल्न नसकेको र अनुसन्धान भैरहेको जिल्ला प्रहरी प्रमुख एसपी वीरबहादुर बुढामगरले बताए । यादवको टाउकोमा गोली लागेको थियो ।

झडपका क्रममा १२ बोरको बन्दुकबाट गोली प्रहार भएको प्रहरीको भनाइ छ । घटनास्थल पुगेका इलाका प्रहरी गरुडाका प्रहरी निरीक्षक वीरेन्द्र पासवानले घघनामा संलग्नको खोजी कार्य भइरहेको बताए ।
प्रहरीले घटनामा संलग्न स्थानीय श्याम यादव, राम प्रताप यादवसहितका व्यक्तिहरूलाई नियन्त्रणमा लिएको छ भने एक थान भरुवा बन्दुकसमेत बरामद गरेको घटनास्थल पुगेका एसपी बुढामगरले बताए ।

घटनामा संलग्न भएको आशंकामा १० जना व्यक्तिलाई नियन्त्रणमा लिइसकेको र सीमा क्षेत्रमा कडाइ गरेको प्रहरीले जनाएको छ । साथै घटनामा संलग्नहरूमाथि अनुसन्धान जारी रहेको र दोषीमाथि जतिसक्दो छिट्टै कानुनी दायरामा ल्याएर कारबाही गर्ने पनि मिश्रले बताएका छन् । घटनास्थलमा अहिले प्रहरी टोली खटिनुका साथै सुरक्षा व्यवस्था कडा पारिएको छ

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
धेरै पढिएको
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ