चैत्र २२ काठमाण्डौँ । राष्ट्रिय स्वतन्त्र पार्टीका सभापति रवि लामिछानेलाई राहदानी दुरुपयोग कसुरमा कारबाही गर्न माग गर्दै सर्वोच्च अदालतमा दर्ता मुद्दा हरिप्रसाद फुँयाल एकल इजलासमा पेसी तोकिएको छ।
आठौँ नम्बरमा पेसी रहेको यो मुद्दा आज सुनुवाई शुरु गर्ने संभावना देखिएको छ । हिजो न्यायधीश अनिल सिंहाको ईजलाशमा परेको र उनले यस अघि लामिछानेकै नागरिकताको मुद्धा संवैधानिक ईजलाशमा बसेर हेरेकाले हेर्न नमिल्ने भएकाले आजका लागि नयाँ पेशी तोकिएको थियो । न्यायाधीश फुँयाल यसअघि नागरिकता मुद्दाको सुनुवाइमा संलग्न थिएनन्।
सिन्धुलीका युवराज पौडैल ‘सफल’ले आइतबार सर्वोच्चमा दायर गरेको रिट सोमबार दर्ता भएको हो। मुद्दा नचलाउने निर्णय विरुद्ध सफलले महान्यायाधिवक्ताको कार्यालयलाई समेत विपक्षी बनाएर रिट हालेका हुन् । अहिले लामिछाने चितवन २ फेरी उम्मेद्धार बनेकाले सर्वोच्चलाई यस मुद्धामा छिटो आदेश दिनु पर्ने दबाब देखिन्छ ।