चैत्र १७ काठमाण्डौ । प्रधानमन्त्री थ्री नेशन्स फुटबल प्रतियोगिताको उपाधि नेपालले जितेको छ । त्रिपुरेश्वरस्थित दशरथ रंगशालामा आज साँझ भएको फाइनल भिडन्तमा लाओसलाई २ १ गोलले हराउँदै नेपालले उपाधि घरमै राख्न सफल भएको हो ।
नेपाललाई जिताउने क्रममा मनिष डाँगी र आयुस घलानले एक एक गोल गरे। नेपाललाई जिताउते क्रममा पहिलो हाफको २४ औं मिनेटमा आयुष घलानले पहिलो गोल गरे।
त्यसपछि खेलको ८७ औँ मिनेटमा मनिष डाँगीले गोल गर्दै नेपाललाई उपाधि जिताउन सफल भए।
उपाधिसँगै नेपालले ५ हजार डलर प्राप्त गरेको छ। उपविजेता लाओसले ३ हजार डलर प्राप्त गरेको छ। खेलको शुरुमै लाओसले गोल गरेपछि दबाबमा आएको नेपाललाई आयुषले बराबरी गोल गरेर उकासेका थिए ।
खेलको १७ औं मिनेटमा फ्हुत्हाभोङ्ग साङ्गभिलयेको गोलमा लाओसले घरेलु टोलीविरुद्ध सुरुवाती अग्रता बनाएको थियो। खेलको ८७ औं मिनेटमा अञ्जनको पासमा मनिषले गोल गर्दै खेललाई २–१ को अग्रता दिलाए।
त्यसपछि खेलमा थप गोल हुन नसक्दा नेपालको जीत सुनिश्चित भएको हो । खेलमा मनीष डाँगी म्यान अफ् दि म्याच घोषित भए ।
