जीवन बुडाल मृत्यु प्रकरणः चारजना कारागार चलान, पाँच धरौटीमा छुटे

जीवन बुडाल मृत्यु प्रकरणः चारजना कारागार चलान, पाँच धरौटीमा छुटे

  • शुक्रबार, चैत्र १७, २०७९
  • मिर्मिरे अनलाइन

  • 3.9K
    SHARES

चैत १७, बैतडी । बैतडीको दशरथचन्द नगरपालिका १० का २५ वर्षीय जीवन बुडाल मृत्यु प्रकरणमा मुछिएका चारजनालाई पूर्पक्षका लागि कारागार चलान गरिएको छ । बुडाल फागुन १३ गते चौलानी नदीमा मृत फेला परेका थिए ।

तीन जनालाई जनही १ लाख ५० हजार र दुई जनालाई ५० हजार धरौटीमा रिहा गरिएको छ । त्यसैगरी तीनजनालाई सामान्य तारिखमा छोडिएको छ ।

बिहीबार जिल्ला अदालत बैतडीले यस्तो आदेश दिएको छ । दशरथचन्द नगरपालिका १० कै गजेन्द्र सिंह रावल,अर्जुन सिंह रावल, भीम सिंह ठगुन्ना र नारायण सिंह ऐरीलाई पूर्वक्षका लागि कारागार चलान गरिएको जिल्ला प्रहरी कार्यालय बैतडीका सूचना अधिकारी, प्रहरी निरिक्षक योगेश खत्रीले जानकारी दिए ।

यसैगरी पुष्पराज भट्ट, टेक सिंह खत्री र जितेन्द्र सिंह ऐरीलाई जनही १ लाख ५० हजार धरौटीमा रिहा भएका छन् । श्यामु सिंह ऐरी र नविन सिंह ठगुन्ना जनही ५० हजार धरौटीमा छुटेका छन् ।
केशव सिंह रावल, मोहन सिंह ठगुन्ना र भुवन राम लुहारलाई सामान्य तारेखमा रिहा गरिएको प्रहरी निरिक्षक खत्रीले जानकारी दिए ।

शरथचन्द नगरपालिका–१० खडेनीका २५ वर्षीय बुडाल फागुन १३ गते मृत फेला परेका थिए । साथीहरुसँगै वनभोज मनाउन गएका बुडाल मृत फेला परेपछि आफन्तले घटनाको यथाशीघ्र छानबिन हुनुपर्ने माग राख्दै संघर्ष समेत गरेका थिए । त्यसपछि प्रहरीले १२ जनालाई पक्राउ गरी अनुसन्धान गरेको थियो ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
धेरै पढिएको
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ