८ चैत, काठमाडौं । प्रधानमन्त्री कप त्रिदेशीय फुटबल प्रतियोगिता आजबाट काठमाण्डौँमा शुरु हुँदैछ । आज उद्घाटन खेलमा नेपालले लाओसको सामना गर्नेछ ।
अखिल नेपाल फुटबल संघ एन्फाले फिफा विन्डोको समय पारेर भुटान र लाओस टिमलाई आमन्त्रण गरी त्रिदेशीय फुटबल प्रतियोगिता आयोजना गरेको हो । नेपाल र लाओसबीचको खेल त्रिपुरेश्वरस्थित दशरथ रंगशालामा साँझ ६ बजेदेखि सुरु हुनेछ ।
नेपालले लाओससँग सन् २०१६ यता पहिलोपल्ट खेल्न लागेको हो । एएफसी सोलिडारिटी कपको फाइनलमा नेपालले लाओसलाई पेनाल्टी शुटआउटमा ३–० ले हराएको थियो ।
नेपाली राष्ट्रिय फुटवल टोलीका नयाँ प्रशिक्षक ईटालीका भिन्सेन्टो अलबर्टो एनेसेले जिम्मेवारी पाएपछि नेपालले पहिलो पटक विदेशी टिमसँग प्रतिस्पर्धा गर्न लागेको हो ।
नेपाली टिमको कप्तान किरण कुमार लिम्बु रहेका छन् ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
