चैत्र २ काठमाण्डौँ । युएई बिरुद्ध आईसीसी लिग डिभिजन २ को अन्तिम खेलमा नेपाल उत्कृष्ट पुनरागमन गर्दै ९ रनको रोमाञ्चक जीत निकालेको छ ।
कीर्तिपुर मैदानमा बर्षा भएपछि खेल डिएल मेथडका आधारमा निर्णय गरिएको थियो । नेपालले ६ ओभरमा ४२ रनको आवस्यकता परेका बेला पानी परेको थियो । युएईले दिएको ३११ रनको बिशाल लक्ष्य पूरा गर्न नेपालले उत्कृष्ट पुनरागमन गरेको थियो ।
आजको यो खेलमा नायक सावित भए भीम सार्की, कुसल भूर्तेल, आरिश शेख र गुल्सन झा ।
शुरुमा खराब शुरुवात गरेको नेपालको पारी उकास्न भीम सार्की र आरिफ शेखले महत्वपूर्ण योगदान दिँदै जीतका लागि संघर्ष गर्ने स्थितिमा पुर्याएका थिए । भीमले ६७ रन पूरा गरे । आरिफ शेखले ५२ रन पूरा गरे भने गुल्सन झा ५० रनमा अविजीत रहे । ओपनर कुसल भूर्तेलले पनि ५० रन पार गराए । यीनै चार ब्याट्सम्यानले नेपाललाई विश्वकपमा छनौट हुन महत्वपूर्ण भूमिका खेले ।
युएईले दिएको ३११ रनको बिशाल चूनौती पछ्याएको नेपालले शुरुमै ओपनर आशिफ शेख शुन्य रनमै आउट हुँदा कुसल मल्ल ५ रन बनाएर पेभिलियन फर्किए । त्यसपछि रोहित पौडेल १६ रन बनाएर आउट भए । यस अघि नेपालको कमजोर बलिङको फाईदा उठाँउदै युएईले नेपाललाई ३११ रनको बिशाल चूनौती दिएको हो ।
टस जितेर ब्याटिङ गरेको युएईले पुरै ५० ओभरमा ६ विकेट गुमाएर ३१० रन जोड्यो । युएईका लागि आशिफ खानले अविजीत १०१ रन जोड्दै शतक पूरा गरे । उनले ४२ बलमा १०१ रन पूरा गर्ने क्रममा ११ छक्का र ४ चौका प्रहार गरेका थिए । त्यसपछि आरबिन्दले ९४ रन जोडे भने मोहम्मद वासिमले ६३ रनको योगदान युएईको उच्च योगफल तयार भयो ।
नेपालका लागि दिपेन्द्र सिंह ऐरीले २ विकेट लिए भने सन्दीप लामिछाने , ललित राजवंशी र सोमपाल कामीले समान एक एक विकेट लिए ।
आजको खेल जितेमा नेपालले ३९ अंक रहेको नामिबियालाई उछिन्दै जिम्बाब्वेमा हुने एकदिवसीय विश्वकपको छनोट खेल्न पाउनेछ ।
फेब्रुअरी १४ मा नामिबियालाई कीर्तिपुर मैदानमै हराएयता नेपालले खेलेका ११ खेलमध्ये १० मा जित हात पारेको छ ।
